Með því að sameina afgreiðsludeildina kjötvinnslunni næst umtalsverð hagræðing sem lækkar rekstrarkostnað félagsins.
Með afgreiðsludeildinni flytjast 8 - 10 störf til Hvolsvallar og bætast við starfsmannafjöldann á Hvolsvelli en þar eru fyrir um 130 ársverk en SS og dótturfélög eru stærsti vinnuveitandi á Suðurlandi.
„Byggingar SS á Hvolsvelli eru um 8000 m2 að flatarmáli og hýsa kjötvinnslu SS sem er lang öflugasta kjötvinnsla landsins. Þar eru framleiddar hinar víðfrægu SS pylsur, 1944 réttir auk mikils fjölda annarra úrvals vara", segir í fréttatilkynningu frá fyrirtækinu.

Myndatexti:
Í síðustu viku tók stjórnarformaður SS, Jónas Jónsson, fyrstu skóflustunguna að nýrri byggingu við verksmiðjuna sem
mun hýsa afgreiðsludeildina. Með honum á myndinni eru frá vinstri : Oddur Árnason verksmiðjustjóri, Guðmundur
Svavarsson framleiðslustjóri, Steinþór Skúlason forstjóri, Benedikt H. Stefánsson deildarstjóri tæknideildar og Ágúst
Guðjónsson deildarstjóri framleiðsludeildar.
MHH/Dagskráin