Félag kennara í rafiðngreinum fór í mikla reisu til Beijing í Kína í byrjun júní. Tveir kennarar úr FSu fóru í ferðina, þeir Þorvaldur Guðmundsson og Þór Stefánsson.

Á mánudag var haldinn fundur um námið í hestamennsku og þróun þess á næstu önnum. Skólinn hefur fengið styrk frá menntamálaráðuneytinu til að þróa námið áfram og var rætt um ýmsa möguleika í því sambandi. Einnig var rætt um hvernig styrkja mætti námið í hestamennskunni fjárhagslega.

Á 17. júní var Frjálsíþróttadeild Ungmennafélags Selfoss með kaffisölu í Loftsölum, miðrými Odda, og Björgunarfélag Árborgar var með ýmsar uppákomur á bílastæðunum fyrir framan skólahúsið.

Á miðvikudagsmorgun undirrituðu þeir Davíð Þór Kristjánsson frá Skýrr og skólameistari FSu samning um aðgang skólans að Innu, sem er nemendaskráningarkerfi og stundatöflugerðarforrit.  Langflestir framhaldsskólar landsins hafa notað Innu undanfarin ár.

Á föstudag var gengið frá bréfum og greiðsluseðlum til nemenda FSu. Alls voru send út 1017 bréf til verðandi nemenda á haustönn 2008.  Nú eru sendir út heldur færri greiðsluseðlar en í fyrra.

Greiðsluseðlar Nemendafélagsins koma nú í sér umslagi til nemenda. Mikilvægt er að nemendur greiði nemendafélagsgjöldin svo að félagslíf nemenda verði öflugt.

Gengið verður frá innritun á Nemendagarða FSu í vikunni 23. - 27. júní og að því loknu verða nemendum sendar upplýsingar um hvort þeir hafa fengið inni á görðunum.

Þeir sem ætla að staðfesta skólavist þurfa að greiða innritunargjöldin fyrir 4. júlí 2008.

Veffréttir FSu verða í sumarleyfi til 11. ágúst.

Vikan framundan.                                  
Skrifstofa skólans verður opin vikuna 23.-27. júní frá kl. 9:30 -13:30.
Skrifstofa skólans verður lokuð frá 30. júní til 5. ágúst kl. 13 vegna sumarleyfa.
Þeim sem þurfa að senda fyrirspurnir eða upplýsingar er bent á að senda þær á netfangið Þetta netfang er varið fyrir ruslrafpósti, þú þarft að hafa Javascript virkt til að skoða það . Minnt er á faxnúmer skólans vegna innritunargagna: 480-8188