Fréttavefur Suðurlands - Kotmót haldið í 56 skipti.

Kotmót haldið í 56 skipti.

Skrifað af Ól. Þ. Ólafsson.
mánudagur, 21 júlí 2008
Kristilegt mót um verslunarmannahelgina til að lofa og upphefja Jesú Krist, Kotmót er nú haldið í 56 skipti. Boðið verður upp á lifandi tónlist, líflegar samkomur, varðeldur auk þess verður fjölbreytt dagskrá fyrir börnin á sérstöku barnamóti. Mótið verður haldið í Kirkjulækjarkoti í Fljótshlíð 31. júlí til 4. ágúst og búast mótshaldarar við fjölmenni en á undanförnum árum hafa á milli 3000 til 4000 þúsund manns lagt leið sína á Kotmót, það eru allir velkomnir á Kotmót. Yfirskrift mótsins er: "Guð er kærleikur". Aðal ræðumaður mótsins er Tony Fitzgerald frá Bandaríkjunum, en auk hans stígur fjöldi karla og kvenna, íslenskra og útlendra, í stólinn til að kenna, uppfræða og segja frá lífsreynslu sinni. Auk aðalsamkomanna verður m.a. boðið upp á söngvastund í umsjá Hafliða Kristinssonar fjölskylduráðgjafa, samkomu í umsjá Erdnu Varðardóttur og Jesúkvenna, fjölskyldusamveru i umsjá Barnamóts, dagskrá í boði ungs fólks undir stjórn Andra Ómarssonar, varðeld þar sem Geir Jón Þórisson yfirlögregluþjónn stjórnar fjöldasöng, UnG-stund (Undir Náð Guðs) í umsjá Magnúsar Stefánssonar trommara og eins verða gestir frá Færeyjum með stund á mótinu. Samverustundirnar verða haldnar innandyra í Örkinni. Góð stæði fyrir tjöld og gistivagna eru á mótssvæðinu. Neysla áfengis og vímuefna er bönnuð og gæsla viðhöfð á svæðinu. Þannig er reynt að skapa allsgáða og örugga umgjörð um skemmtilega samveru eldri og yngri mótsgesta. Nánari upplýsingar um dagskrá og fl. er að finna á heimasíðu mótsins www.123.is/kotmot og hjá Stefáni Garðarssyni í síma 663 4656 eða Þetta netfang er varið fyrir ruslrafpósti, þú þarft að hafa Javascript virkt til að skoða það .