Myndlistarsýning Hjördísar Alexandersdóttur

Myndlistarsýning Hjördísar Alexandersdóttur

Hjördís Alexandersdóttir.

Hjördís Alexandersdóttir.

Myndlistarsýning Hjördísar Alexandersdóttur opnaði í Galleríinu undir stiganum í gær, fimmtudaginn 3. nóvember, við hátíðlega athöfn. Rebekka Matthíasdóttir, 12 ára, tók tvö lög á þverflautu og gerði það listavel.

Sýningin er sjöunda einkasýning Hjördísar en hún hefur einnig tekið þátt í mörgum samsýningum. 

Verkin á sýningunni eru abstrakt myndir unnar með akrýl á striga en þær voru málaðar þegar Hjördís dvaldi á Suðureyri í maí og september á þessu ári. Það má sjá á myndunum hverjar voru málaðar í vor þegar kuldinn var meiri og svo þær myndir sem málaðar voru í haust þegar náttúran var enn í blóma.

Hjördís Alexandersdóttir er fædd í Reykjavík, ólst upp í Kópavogi en flutti til Þorlákshafnar fyrir um ári síðan. Hún hefur frá unga aldri lagt stund á myndlist og haft ríka sköpunarþörf.

Hjördís hefur í gegnum tíðina unnið við ýmis störf tengd myndlist, þá helst við kennslu. Hún rak fyrirtækið GalleryTorg um árabil sem var með námskeiðahald og seldi bæði eigin verk og eftir aðra listamenn.

Sýningin verður út nóvember og er opin á opnunartíma Bæjarbókasafns Ölfuss.

Comments are closed.