Stjórnina skipa, auk Svanhildar Ólafsdóttur, formanns þau Eygló Aðalsteinsdóttir varaformaður , Ingibjörg Jóhannesdóttir gjaldkeri, Katrín Stefanía Klemensardóttir ritari.  Aðrir kosnir nefndarmenn: Halldóra Stórá , Rannveig Bjarnfinnsdóttir og Sighvatur Björgvinsson.

Stjórnina skipa, auk Svanhildar Ólafsdóttur, formanns þau Eygló Aðalsteinsdóttir varaformaður , Ingibjörg Jóhannesdóttir gjaldkeri, Katrín Stefanía Klemensardóttir ritari. Aðrir kosnir nefndarmenn: Halldóra Stórá , Rannveig Bjarnfinnsdóttir og Sighvatur Björgvinsson.

Ný stjórn Krabbameinsfélags Árnessýslu kosin.

Síðastliðinn miðvikudag, 19. apríl fór fram aðalfundur Krabbameinsfélag Árnessýslu. Auk hefðbundinna aðalfundastarfa var ný stjórn félagsins kosin og tók Svanhildur Ólafsdóttir við formannssætinu af Ingunni Stefánsdóttur sem gengt hefur formannsembættinu í all mörg ár. Stjórnina skipa einnig; Eygló Aðalsteinsdóttir varaformaður , Ingibjörg Jóhannesdóttir gjaldkeri, Katrín Stefanía Klemensardóttir ritari.  Aðrir kosnir nefndarmenn: Halldóra Stórá , Rannveig Bjarnfinnsdóttir og Sighvatur Björgvinsson.

Ný stjórn mun leggja metnað sinn í að efla starf félagsins og auka bæði þjónustu og fræðslu til krabbameinsgreindra einstaklinga og fjölskyldna þeirra í Árnessýslu. „Við eigum marga hæfa og reynsluríka fagmenn sem veita þjónustu í Árnessýslu og það auðveldar aðgengi sjúklinga að þjónustunni að geta boðið uppá hana í heimabyggð. Það getur reynst bæði erfitt og kostnaðarsamt að sækja alla þjónustu á höfuðborgarsvæðið og þess vegna vonumst við eftir að geta mætt þörfum sem flestra sjúklinga og aðstandenda þeirra“ segir Svanhildur og bætir við að þegar einstaklingur greinist með krabbamein þá hafi það áhrif á alla fjölskylduna.

Krabbameinsfélagið hefur haldið úti félagsskap sem kallast Brosið. Hist er hálfsmánaðarlega í húsakynnum RauðaKrossins í Árnessýslu en krabbameinsfélagið deilir húsnæði með RauðaKrossinum. Tilgangur með félagsskapnum er að hittast og spjalla, deila reynslu, fá stuðning og ráð frá hvert öðru. Í vetur hefur til dæmis verið boðið uppá fyrirlesturinn Mikill hlátur og smá grátur, eftir Arndísi Höllu Jóhannesdóttur, aðventurkransagerð, páskaþema og kennsla í stafgöngu svo eitthvað sé nefnt. Finna má hópinn inni á facebook undir nafninu Brosið.

Í maí mun Krabbameinsfélagið bjóða uppá sogæðanuddnámskeið sem stendur öllum til boða. Námskeiðið verður félagsmönnum að kostnaðarlausu en mun kosta lítilræði fyrir aðra. Námskeiðið fer fram dagana 15. og 22. maí og verður haldið í húsnæði RauðaKrossins. Námskeiðið hentar öllum sem eiga við óþægindi eða verki að stríða sem tengjast sogæðakerfinu. Kenndar verða gagnlegar og árangursríkar aðferðir sem fólk getur síðan haldið áfram að stunda að námskeiði loknu.

Margir spennandi viðburðir verða síðan haldnir í haust og hvetjum við alla til að fylgjast með á facebooksíðu félagsins, Krabbameinsfélag Árnesinga. Hafi fólk áhuga á að gerast félagsmenn og styrkja starfið má senda skráningu til Erlu á netfangið arnessysla@krabb.is  eða hafa samband í síma:7880300, félagsgjaldið er 2500 á ári. Allar frekari upplýsingar um þjónustu, ráðgjöf eða starf félagsins veitir Erla í síma: 7880300 símatími er á fimmtudögum frá kl. 13 til 16 einnig er hægt að panta tíma á arnessysla@krabb.is.

 

Comments are closed.