Vélsleðaslys á Langjökli

Vélsleðaslys á Langjökli

snowmobiles-1240679_960_720Í gær um kl. 15:23 barst tilkynning um vélsleðaslys við Innstu-Jarlhettu, á Langjökli. Samkvæmt tilkynningunni fóru 3 vélsleðar fram af snjóhengju og 6 einstaklingar væru slasaðir, þar af væri einn án meðvitundar. í samræmi við alvarleika tilkynningarinnar var allt tiltækt lið sjúkraflutninga og lögreglu sent af stað og einnig sent heildarútkall á björgunarsveitir í Árnessýslu ásamt því að þyrla Landhelgisgæslunnar fór af stað.

Nokkru síðar kom í ljós að fjórir einstaklingar væru slasaðir og að meiðsli þeirra væru ekki eins alvarleg og í fyrstu var talið og var þá dregið úr umfangi útkallsins.

Þrír voru fluttir með þyrlu Landhelgisgæslunnar á slysadeild Landspítalans í Fossvogi en einn með sjúkrabifreið á Heilbrigðisstofnun Suðurlands á Selfossi. Meiðsl þeirra eru ekki talin alvarleg.

Lögreglan á Suðurlandi annast frekari rannsókn á slysinu.

Lögreglan á Suðurlandi þakkar öllum viðbragðsaðilum sem að útkallinu komu fyrir veitta aðstoð. Við erum mjög rík að eiga fagfólk sem sinnir sínum störfum af alúð og fagmennsku.

Lögreglan á Suðurlandi greinir frá.

Comments are closed.